Unha persoa resultou ferida leve este xoves nunha saída de vía con envorco ocorrida pouco antes das dez da mañá cerca do cemiterio da Puída, en Burela.
O accidente produciuse na estrada que vai cara a Rúa, a LUP-1502, no quilómetro 3. A persoa estaba liberada e fóra do vehículo.
Interveu a Garda Civil de Tráfico e un equipo sanitario do 061, para atender á persoa afectada. O 112 tamén comunicou o sinistro aos bombeiros de Barreiros, o GES de Cervo, a Policía Local de Burela e Protección Civil.