Unha muller resultou ferida leve ao chocar un todoterreo e unha furgoneta de repartición do pan na N-634, á altura de Celeiro de Mariñaos, no municipio de Barreiros.
O accidente, que se produciu cara ás 11.15 horas da mañá deste xoves, mobilizou ata o punto do sinistro aos bombeiros de Barreiros, Protección Civil do mesmo concello e persoal de mantemento da estrada, despois de que o 112 Galicia recibise unha chamada dun particular solicitando asistencia para unha persoa.
Un ocupante do todoterreo tamén queixábase de dor, pero a ferida é a condutora da furgoneta.
