Un mozo resultou ferido na tarde deste luns tras saírse da vía o coche que conducía e chocar contra contra o muro dunha casa en Viveiro. Un inmoble situado nas inmediacións da estación de tren, onde existe unha pequena rotonda e onde se produciu o accidente, pouco antes das sete da tarde.
Foron os servizos sanitarios os que avisaron ao 112 Galicia, que deu pola súa banda alerta á Policía Local, Protección Civil e os bombeiros de Viveiro. Segundo algunhas testemuñas, o condutor do coche puido saír do vehículo polo seu propio pé tras o impacto, pero se desvaneceu e foi atendido na zona polos servizos de urxencias, antes de ser evacuado ao hospital. Queixábase de dor nunha boneca.