Unha moza de Viveiro resultou ferida leve nunha saída de vía ocorrida á entrada da localidade do Vicedo, na zona onde se atopaba a antiga gasolineira. Crese que se sentiu indisposta, dado que o vehículo apenas tiña danos.
Os servizos de Urxencias Médicas do 061 trasladaron a lesionada a un centro médico para prestarlle a atención que precisaba, ademais de asistila no lugar do contratempo.
O accidente ocorreu cando circulaba pola estrada LU-862 cara ás catro e dez minutos da tarde deste martes.
