Unha familia de Covas vese obrigada por unha sentenza do xulgado número 2 de Viveiro a deixar pasar polo medio da súa leira a veciños lindeiros, quen reclamaron o paso a pé e con vehículos cara ás súas casas. Isto obrigou aos donos do solar a retirar o portalón e o enreixado metálico para non obstaculizar o tránsito, que segundo acta do notario vivariense realízase sen impedimento, igual que certifica a empresa que executou as obras, que considera que "para nada entorpece o paso, incluso se pode acceder moito máis facilmente, debido á súa amplitude e ao firme de formigón realizado para arrombar a zona", cuxo ancho supera ao do camiño público asfaltado polo Concello ata a propiedade. O hormigonado interior foi pagado pola familia directamente á empresa.
O fallo xudicial ordena "repor, á súa costa, as cousas ao estado anterior que tiñan, aperturando a cancilla e retirando o peche de mallazo e estacas metálicas, beirarrúas e zahorra ou grava miúda solta, en canto interrompan ou dificulten o paso". Con todo, o seu cumprimento non satisfixo aos dous demandantes nin tampouco ou outro lindeiro que non denunciou, segundo a familia. Isto fixo que o pasado día 10 se presentasen no domicilio cunha empresa para picar a beirarrúa, ante o que os propietarios avisaron á Policía, que entendeu que o asunto debía dirimirse noutras instancias.
A familia tamén recibiu ese día a contestación de oposición aos escritos presentados no xulgado e que ata entón non obtiveran resposta.
As obras acometéronse ademais con todos os permisos pertinentes, pero ademais unha certificación do Concello indica que "non consta non inventario de Bens Municipais ningún camiño que atravese a referida parcela". Por esa razón, indicáronlles que podían pechar a leira completa. Recordan que o día en que colocaron os valos acudiu a Policía alertada por un veciño, que non fixo nada ao presentarlle todas as autorizacións en regra.
O conflito afecta a unha vivenda, situada no lugar de Casanova, das Pallaregas, que nun dos seus laterais limita cun conxunto de oito casas medianeiras que forman un cadrado e que teñen outro viario de entrada, que nunca chegou ás situadas na parte superior do terreo en pendente, cuxos titulares se servían dos patios das veciñais para pasar, polo que testificaron na vista celebrada en novembro de 2016, cruzando así sobre carreiros e terreos doutros titulares.
A beirarrúa que pretenden retirar os demandantes facilita o tránsito dos pais da familia, quen son maiores, así como o acceso tanto á súa vivenda como aos restantes. Por este motivo, solicitan que se revise o caso e que se tomen en consideración as súas alegacións, pois entenden que non se tivo en conta toda a documentación que achegaron, ante o que senten impotentes.
A familia de Dolores González pregúntase "por que hai que quitar a beirarrúa pasar mellor que antes de facela, penso que unha persoa de boa fe non permite que se faga iso, xa abrimos ou resto segundo nos indicaron o perito e un avogado e logo tivemos que abrir máis ao achegar eles unha nova peritaxe", explica.
