Dúas saídas de vía producíronse na mañá do mércores en Ribadeo e en Barreiros, concretamente na localidade de San Miguel.
Esta última produciuse cando un vehículo se precipitou ao interior dunha gabia escavada para unha obra que se está executando á saída da localidade en dirección San Cosme. O vehículo quedou totalmente inclinado, case nun ángulo de 90 graos, e precisou de moito tempo para sacalo de alí.
Foi unha situación moi parecida á que sucedeu no aparcadoiro das superficies comerciais de Vilar en Ribadeo. Alí un vehículo que daba marcha atrás perdeu o control e caeu por un desnivel de algo máis de medio metro que existe no lugar.
Quedou nunha situación tan comprometida para o vehículo que era imposible retiralo simplemente empuxándoo, porque se danaría totalmente o fondo do automóbil, así que o propietario tivo que esperar a que un guindastre o izase para evitar maiores avarías.