Un matrimonio maior que viaxaba nun automóbil que circulaba pola rúa Andrés Canoura, situada detrás do cuartel de Ferreira do Valadouro, saíuse da vía co vehículo e envorcou. Afortunadamente as dúas persoas que ocupaban o turismo rexistraron feridas de pouca consideración, aínda que foron trasladadas por unha ambulancia ao Hospital Público da Mariña, radicado en Burela, para un recoñecemento. O accidente ocorreu ás catro e vinte da tarde deste domingo.
BARREIROS. Os bombeiros do parque comarcal de Barreiros tiveron que auxiliar este domingo ás once e media da mañá a unha persoa de mobilidade reducida que sufriu un accidente de escasa consideración na rotonda próxima ao parque e que non podía saír do vehículo debido á súa discapacidade.