O seis tripulantes do Pico da Lebre, unha embarcación con base en Celeiro, foron trasladados ao porto de Burela este xoves por outro pesqueiro que estaba na zona tras sufrir unha vía de auga cando faenaban a unhas trinta millas ao noroeste de Estaca de Bares.
Foi a propia embarcación a que avisou do problema a Salvamento Marítimo, que enviou á zona a Salvamar Alioth e ao helicóptero Pesca 2, aínda que os tripulantes foron recollidos polo Mendaña, que se encargou do traslado a porto.
A central de emerxencias do 112 tivo constancia do ocorrido ás 15.45 horas, a través do Servizo de Gardacostas de Galicia.
O barco sinistrado, propiedade da sociedade Astilleros Cillero, afundiuse por completo, segundo confirman fontes de Salvamento Marítimo, que constatan que todos os tripulantes, que puideron abandonar o pesqueiro nunha barca salvavidas, están en bo estado.
Hundimiento del pesquero Pico da Lebre 30 millas al NE de Estaca de Bares. Los 6 tripulantes han abandonado el buque en balsa salvavidas y han sido recogidos por el pesquero Mendaña, que los traslada a Burela. Movilizados Salvamar Alioth y Pesca II. #SeguridadNautica pic.twitter.com/3U904gFMjF
— SALVAMENTO MARÍTIMO (@salvamentogob) March 26, 2020