O Pescados Rubén Burela FSF feminino poderá seguir defendendo a súa coroa de campión autonómico tras meterse nas semifinais da Copa Galicia. A escuadra mariñá liquidou o seu segundo e último encontro do grupo cun cómodo triunfo ante o Castro FS Mobles Cando, por 1-11. Na primeira xornada, as mariñás xa se impuxeran con outra goleada ante o Valdetires, por 9-1, mostrando unha absoluta superioridade ante os dous rivais do grupo.
O partido deste mércores non tivo ningunha historia máis aló da xerarquía que puxo o cadro burelense desde o minuto 1, adiantándose nunha das primeiras xogadas, por medio de Dany. A partir de aí gobernou o partido ao seu antollo ante un Castro moi voluntarioso, pero incapaz de xerar perigo ante a meta defendida por Jozi.
Luci, que foi unha das grandes protagonistas do encontro, puxo o segundo antes de cumprirse o minuto 6 e Jenny Lores ampliou a renda no ecuador do primeiro tempo. Antes do descanso aínda chegarían máis goles, con Cilene e Luci como protagonistas. Con 0-5 chegouse ao descanso..
A segunda metade mantívose polos mesmos parámetros, cun Pescados Rubén que non quixo apertar o acelerador, pero que seguía chegando con moito peligro á meta local. Os goles seguiron caendo, Luci completou o seu hat-trick, Peque fixo dous e tamén macaron Jenny Lores e Bea.
Goles: 0-1,m.1, Dany; 0-2, m.6, Luci ; 0-3 m.10, Jenny Lores; 0-4, m.14, Cilene; 0-5, m.16, Luci; 0-6, m.21, Luci; 0-7, m.29, Peque; 0-8, m.29, Peque; 1-8, m.31, Lara; 1-9, m.33, Jenny Lores; 1-10, m.34, Peque; 1-11, m.39, Bea Mateos.
