Dous exemplares do que a primeira ollada parecen ser lobos paseáronse ás súas anchas este luns pola mañá no núcleo de Santo Tomé de Lourenzá, un feito sen precedentes coñecidos na zona segundo cre a moza que xunto á súa parella logrou captalos, Romina Cajoto. "Posiblemente sexa unha foto histórica", sinalaba a veciña, a quen ninguén pode quitar a satisfacción de telos visto en directo e retratado para a posteridade.
As imaxes voaron polas redes sociais.
