A Xunta de Confrarías da Semana Santa de Viveiro anunciou o nome da pregoeira deste ano, que será Aurelia Balseiro García, directora do Museo Provincial de Lugo.
Trátase dunha "persoa moi vinculada a Viveiro e a toda A Mariña", din desde a organización, que recorda que o pregón será o sábado 4 de abril no Pastor Díaz, onde esperan que a acompañe "un gran auditorio" e que expoña "non só a súa vinculación á nosa terra e á nosa Semana Santa, senón tamén os seus estudos, coñecementos e cargo de profesión".
Nacida fai 48 anos en O Folgueiro (O Vicedo), mudouse coa súa familia a Burela, tamén estudou en Foz e casou en Viveiro. "Cando pregúntanme de onde son digo da Mariña en xeral porque teño ligazóns en case todos vos concellos", di Balseiro, que estudou na facultade de Historia da USC, licenciouse coa especialidade de Museoloxía, fixo o doutoramento en Arqueoloxía cuxa tese non terminou e dedicouse desde entón ao estudo e investigación do ouro prerromano. Autora de diversos libros, a súa gran afección é facer viaxes culturais.
