O Equipo de Estafas Telemáticas de A Coruña detivo a dous veciños de Ribadeo por supostamente estafar 2.000 euros ao finxir a venda de maquinaria agrícola por internet, segundo informou o Instituto Armado.
Os feitos ocorreron por mor das denuncias interpostas polas vítimas nas dependencias da Garda Civil de Oleiros e Vimianzo, nas que comunicaban localizar anuncios de venda de maquinaria agrícola nun coñecido portal de compra venda de internet.
Unha vez alcanzado un acordo económico realizaron o ingreso do importe pactado pero non recibiron o envío do artigo comprado.
Tras lograr a identificación dos autores, a Garda Civil procedeu á detención destas persoas e púxoas, xunto coas actuacións realizadas, a disposición de xulgado de Instrución de garda da Coruña.
