Axentes da Policía Nacional detiveron este martes a un veciño de Viveiro por unha agresión machista ocorrida en Lugo.
A vítima acudiu ao Hula a que a curasen de lesións compatibles con violencia de xénero e alí activaron o protocolo.
O xulgado de Viveiro decretou este martes pola tarde a súa posta en libertade e afastamento a 300 metros da muller, que reside na capital. Ao parecer xa tiveran discusións antes, pero non hai rexistro de denuncias.