A Garda Civil informou da detención dun veciño de Burela, de 22 anos de idade como suposto autor dun delito de roubo con violencia e intimidación. Os feitos ocorrerían en Foz na madrugada do pasado 29 de agosto, cando supostamente o presunto autor, que se atopaba en compañía de varias persoas, agrediu a un menor de idade, subtraendo tras iso un monopatín eléctrico que portaba o agredido, valorado en 450 euros, segundo informa o instituto armado.
Os axentes localizaron a través de redes sociais "fotografías nas que aparece o monopatín eléctrico xunto a outras persoas vinculadas ao posible autor dos feitos e tomadas momentos logo da subtracción". Tras identificar ao presunto autor dos feitos, logrouse recuperar o monopatín subtraído, o cal gardaba no seu propio domicilio o arrestado.
A persoa detida foi posta a disposición xudicial.