A Policía Nacional detivo este mércores un mozo veciño de Viveiro que simulou o pasado día 15 a sustración do seu vehículo tras sufrir un accidente no acceso a Xove da VAC que une Area e Beltrán.
Os axentes da Xudicial do Corpo Nacional de Policía constataron que o mozo inxeriu ese día unha gran cantidade de alcol durante un tempo curto nun establecemento do municipio vivariense, tras o que colleu o vehículo.
O mozo sufriu un accidente nesas circunstancias, sendo auxiliado por outro condutor que circulaba pola mesma vía, quen tras facilitarlle o seu teléfono móbil para que o accidentado chamase o seu pai, trasladouno ata o domicilo do proxenitor.
As investigacións corroboraron a falsidade da denuncia, coa que pretendía eludir a responsabilidade do delito contra a seguridade do tráfico, no que segundo fontes policiais é reincidente.