A Garda Civil de Ortigueira detivo a un veciño de 49 anos de idade como presunto autor da agresión a un veciño da localidade coruñesa de Espasante, que traballa nun taller do municipio de O Vicedo.
O agredido está ingresado no hospital coruñés polo forte impacto recibido na cabeza cun obxecto contundente, que lle provocou unha grave conmoción. A gravidade da ferida fixo temer incluso pola súa vida e, aínda que o seu estado non é bo, parece que mellora.
Os axentes da Benemérita de Ortigueira procederon á detención do suposto agresor, aínda que foron dous cos que se encarou o mozo porque lle impedían pasar co coche por unha estrada, na que realizaran unha curta de madeira, cuxos restos impedían circular pola vía.
O agredido, de 34 anos e que se dirixía a Mañón a comer cun familiar, recibiu un forte impacto na cabeza cun obxecto contundente no transcurso da discusión que iniciaron polo estado da pista.
