A Garda Civil detivo en Foz un home, de 35 anos de idade, como presunto autor dun delito de homicidio en grao de tentativa ao intentar atropelar a súa exsogra.
Os feitos tiveron lugar o pasado domingo. Unha persoa atopábase cruzando un paso de peóns cando escoitou como un vehículo aceleraba, o que o obrigou a correr cara á beirarrúa para evitar ser atropelado. Esta manobra provocou a súa caída ao chan, momento en que o todoterreo que conducía o arrestado abandonou o lugar a gran velocidade.
O detido, un súbdito romanés, pasou a disposición do Xulgado de Instrución Número 2 de Viveiro e quedou en liberdade comunicada e sen fianza. Está investigado por un delito de intento de homicidio e outro de quebrantamento de condena.
