A Garda Civil da Comandancia de Oviedo acaba de desmantelar a denominada banda dos destrozacoches. Catro homes, de entre 30 e 45 anos de idade, foron detidos e están en prisión, por 200 delitos cometidos sobre todo en Asturias, León e Cantabria. Calculan que causarían uns 160.000 euros en danos e en perdas. As investigacións comezaron coa subtracción, en novembro pasado, dun vehículo en Tapia de Casariego, que foi empregado en diversos roubos con forza en vivendas e establecementos comerciais.
En tan só dez días, a banda esnaquizou máis de 60 coches na zona central de Asturias. O 3 de xaneiro, nun garaxe da localidade de Grado, quince coches amenceron coas lúas rotas.
Estaban especializados en roubar turismos en garaxes para empregalos en roubos mediante o método da aluaxe en establecementos comerciais. Logo roubaban nas máquinas de xogo ou nas rexistradoras. Tamén se lles acusa de roubar nas cocheiras.
