Tres pisos dun edificio da Praza da Música de Ribadeo tiveron que ser desaloxados pouco antes das once da noite deste xoves debido ao incendio que se declarou no cadro eléctrico comunitario.
A consecuencia diso o edificio quedou totalmente ás escuras e xerouse moito fume, o que alarmou aos poucos veciños que viven alí, aínda que finalmente non houbo danos persoais de ningún tipo.
Acudiron responsables municipais, Protección Civil e os Bombeiros de Barreiros que tiveron que atender o lume con proteccións especiais debido á intensa fumareda e aos problemas eléctricos que se podían atopar.
Finalmente esperábase que os usuarios puidesen acceder outra vez ás súas casas unha vez que se despexou o fume e controlado a situación.