Un bidón de combustible apareceu este venres roto á beira dunha estrada no Vicedo e o seu contido acabou derramándose cara a uns pasteiros, segundo puideron comprobar efectivos de Protección Civil do municipio que se desprazaron ao lugar tras recibir o aviso do 112, que á súa vez fora alertado por un particular.
O bidón, de plástico cunha rejilla metálica polo exterior, estaba na marxe da calzada no quilómetro 2,8 desta estrada LU-P-6401 que comunica o Alto do Folgueiro con San Miguel de Negradas.
O contido, presumiblemente gasoil, derramouse "pola cuneta e despois foise coando por unha acequia ata correr por un terreo de regadío onde hai pastizais para gando", describen.
Engaden que se trata dun depósito de tamaño considerable, que podería conter "uns 500 litros".