miércoles. 24.07.2019 |
El tiempo
miércoles. 24.07.2019
El tiempo

David Castro e Sandra Guerrero gañan a III 15K A Mariña

Podium dá carreira. EP.
Podium dá carreira. EP.

A carreira tiña como aliciente un percorrido de 15 quilómetros ao bordo do mar entre Foz e Burela

David Castro e Sandra Guerrero foron os gañadores da III 15K A Mariña Banco Mediolanum que se disputou entre Foz e Burela cun percorrido de 15 quilómetros. A proba contou cun gran número de participantes, que tiñan como un dos grandes alicientes o poder correr ao bordo do mar. Ademais, establecéronse premios para diversas categorías. Á marxe, tamén se realizou unha marcha polo mesmo percorrido, que contou cunha ampla participación. Esta é a segunda proba do Circuíto Galego 15K Banco Mediolanum. A terceira disputarase na Guarda despois do verán.

David Castro foi o máis rápido e logrou unha vitoria de prestixio. Superou con claridade na chegada a Cristian Expósito, o atleta de Burela que foi o seu principal opoñente durante todo o percorrido. O gañador cimentou a súa vitoria no tramo final. A terceira posición ocupouna José Luís Piña.

Pola súa banda, Sara Guerreiro foi a mellor na categoría feminina. Ana Belén González, do Club Fluvial de Lugo, ocupou a segunda posición. Zelin Spencer foi a terceira en chegar á liña de chegada. Tanto na categoría masculina como feminina aumentou o número de participantes con respecto á pasada edición.

Os organizadores tamén incentivaron aos atletas locais. Así, Manuel FogueIra e Nuria da Rega levaron os trofeos por ser os mellores de Foz. Os de Burela corresponderon a Cristian Expósito, que foi segundo na clasificación xeral, e Carla Trigo.

A III 15K A Mariña Banco Mediolanum converteuse xa nunha referencia dentro deste tipo de probas en Galicia. O circuíto autonómico, que se iniciou en Ourense, terá na Guarda (Pontevedra) a culminación do seu calendario da actual tempada. Á marxe do aspecto deportivo, os organizadores tamén realizan actividades para toda a familia.

David Castro e Sandra Guerrero gañan a III 15K A Mariña
Comentarios