Dan positivo seis escolares do Ceip Gregorio Sanz de Ribadeo

Seis alumnos do Ceip Gregorio Sanz de Ribadeo deron positivo tras o cribado que se fixo entre os 22 contactos estreitos doutro alumno contaxiado. Varias nais dos escolares queixáronse o luns de que levaban esperando desde o día 22 a ser chamados polo Sergas para facerlles probas, o que finalmente ocorreu este martes.

As nais lamentaron o atraso tendo en conta que os afectados son nenos e que non están vacinados.