Un incendio nun lavalouzas obrigou a saír aos catro moradores dunha vivenda en Marelle, na parroquia ribadense de Cobelas, sen rexistrarse danos persoais. Foron os propios habitantes dos inmobles quen avisaron do suceso.
Ata o lugar desprazáronse bombeiros de Barreiros, Policía Local, Garda Civil e Protección Civil, que sacaron ao exterior o electrodoméstico para facilitar a extinción do lume. Controlado o incendio, finalmente non afectou a máis estancias que a cociña.