viernes. 23.08.2019 |
El tiempo
viernes. 23.08.2019
El tiempo

Críticas por falta de médicos en centros de saúde de Viveiro e Foz

Centro de saúde de Foz. AMA
Centro de saúde de Foz. AMA

O Sergas di non atopar suficientes especialistas pero que asigna un máis en cada centro

A ausencia de médicos en Viveiro e Foz volveu xerar este mércores controversia entre o BNG e sindicato CIG por unha banda e o Servizo Galego de Saúde (Sergas) por outro. O portavoz do Bloque focego, Francisco Xavier Fanego, di que "nestes últimos días, ante a falta da pediatra, o Sergas só cubreu parcialmente esa ausencia, quedando algunhas xornadas sen servizo, co futuro retraso que isto vai conlevar nunha especialidade tan saturada xa de por si como é pediatría".

Engade o primeiro tenente de alcalde que "algo similar sucedeu tras o traslado previsto da médica da quenda de tarde, que se veu cubrindo nos últimos 15 días cun reforzo dalgunhas horas e co outro médico de cupo de tarde. Unha pésima xestión dos recursos nunha quenda que segundo os que din ser xestores do Sergas, había suplir ao servizo de urxencias que no 2011 o PP amputou ao centro de saúde de Foz. Nin urxencias nin médico de cupo, brillante".

Engádese tamén a dificultade de cubrir todas as ausencias debido á falta de especialistas nas listas de contratación

Engádese tamén a dificultade de cubrir todas as ausencias debido á falta de especialistas nas listas de contratación, algo que afecta a toda España. "Supoñemos que o BNG -di o Sergas-, é coñecedor da situación e da dificultade de atopar substitutos para cubrir todas as ausencias e baixas que se producen, e que dita dificultade aumenta no verán, que é cando se concentran a maioría das ausencias por mor das vacacións da maioría dos profesionais". Destaca o gran esforzo para manter a calidade, "algo que admite o propio BNG ao afirmar que se cubriu, na medida do posible, a ausencia da especialista de pediatría".

Sobre o médico de tarde "a súa ausencia tamén foi cuberta sempre que foi posible, ben con substitucións ou con prolongacións da xornada; dito profesioal optou a un concurso de traslados, ao que ten dereito como calquer outro traballador, que o Principado de Asturias resolveu en pleno verán, facendo máis difícil atopar substitutos...con todo e elo, insistir en que foi substituido e que se están a facer todos os esforzos posibles por cubrir esta e outras ausencias".

O Sergas recorda que "a maiores, en xullo e agosto increméntase no centro de saúde de Foz, contratando un médico para as persoas desprazadas". Reforzo que tamén se aplica á PAC de Viveiro no verán.

Sobre a situación en Viveiro, a CIG ve "totalmente abandonada a asistencia" en atención primaria cando, ano tras ano, non se cobren as vacacións dos médicos. "Esta circunstancia -di o sindicato-, leva a un evidente deterioro da atención médica debido a unha acumulación de traballo do persoal facultativo do centro ao ter que sumir a atención dos pacientes asignados aos outros médicos". E recordan que no verán a poboación de Viveiro duplícase ou triplica.

Explica a CIG que "onte, no centro de saúde de Viveiro, de 7 médicos de familia na quenda de mañá, só quedaron 4 ao non cubrirse ningunha das 3 ausencias: unha por un cargo político na Subdelegación do Goberno e dúas por vacacións". O Sergas indica que non hai médicos de familia e pediatras suficientes: "En Viveiro substitúese todo o que se pode, con substitucións e prolongacións. Ante situacións puntuais de ausencias non previstas, a dificultade é maior pola falta de especialistas".

FISIOTERAPIA. Jesús Vázquez, conselleiro de Sanidade, destacou que o Hospital dá Mariña ampliou o seu persoal de fisioterapeutas con dous profesionais propios.

Críticas por falta de médicos en centros de saúde de Viveiro e Foz
Comentarios