Non todo van ser malas noticias para o equipo masculino do Peixes Rubén Burela FS. A pesar da frouxa traxectoria na Primeira Divisón, ocupando o último posto, a selección española fixouse na canteira laranxa e fíxoo ademais por partida dobre, ao reclamar aos mozos Renato e Pitero para a selección sub-23. Ambos participarán formando parte do combinado que dirixe Albert Canillas no enfrontamento fronte la Roja absoluta como peche de preparación do combinado nacional para a UEFA Futsal Euro 2022. A cita terá lugar o día 15, sábado, como substitución do España-Marrocos.
"Nin Renato nin eu nos podiamos imaxinar nos tempos do parque que puideramos chegar ata a selección"
A chamada non só supón unha alegría para ambos os xogadores e un impulso para o club laranxa, senón que ademais traslada a la Roja unha amizade e unha conexión que teñen desde nenos Renato e Pitero, que comezaron xogando no parque Rosalía de Castro e despois conseguiron chegar ambos os ao profesionalismo da man dos Peixes Rubén. Agora, trasladan a conexión á selección sub-23 e talvez, no futuro, poderían facelo na selección absoluta. "Ir á selección é unha ledicia e facelo con Renato é unha pasada. Non nos podiamos imaxinar que daqueles tempos do parque chegásemos ata aquí, é un caso difícil de ver", asegurou Pitero, algo que comparte Renato. "O parque Rosalía de Castro deu os seus froitos, alí empezou todo (risas)".
Para Pitero non supón unha novidade absoluta competir cunha selección nacional, xa que formou parte dunha convocatoria anterior da selección sub-19, aínda que si para Renato, que estrearase coa Rojita.
"Que te chamen para unha selección nacional quere dicir que estamos facendo algunhas cousas ben no Burela"
Aos seus recentemente cumpridos 24 anos, o hispano-caboverdiano mostrouse sorprendido e ilusionado coa chamada, xa que pensaba que se ía a recorrer a xogadores máis novos. "A verdade é que non esperaba estar nesta lista, pero analizando os nomes só hai catro ou cinco máis novos ca min, así que máis ben é unha selección sub-24 que sub-23", asegurou o mozo burelense, que cualifica como "un privilexio" a posibilidade de formar parte do combinado nacional de mozos e de enfrontarse á absoluta. "Estar no rádar da selección xa me aprece moi importante, quere dicir que algunhas cousas estanse facendo ben e ademais dá moito ánimo para seguir traballando", analizou.
Tamén Pitero confirma a ilusión que lle fai seguir contando nos plans da federación española tras xogar na selección sub- 19. "Que te reclamen da selección sempre é unha boa noticia porque demostra que o seguimento está aí e que estamos ante outra boa oportunidade para seguir demostrando cousas. Estou sorprendido e ilusionado coa chamada porque ademais é un encontro moi fermoso para disputar contra a selección absoluta", analizou.
"Colleume de sorpresa a chamada, teño moita ilusión por poder disputar un encontro de tantísimo nivel"
SALTO DE CALIDADE. Renato deu a pasada tempada un salto de calidade tremendo no seu xogo, sendo básico na permanencia dos Peixes Rubén. Tras unha segunda volta impresionante, o xogador erixiuse no máximo goleador do equipo e incluso chegou a estar
"Estou feliz polo recoñecemento individual, pero gustaríame que a nivel colectivo tiveramos máis puntos"
Pitero tamén destacou a pasada tempada, anotando un bo número de goles a pesar dunha molesta lesión. Agora trata de atopar a regularidade. "A nivel colectivo está claro que estamos sufrindo, pero confiamos en mellorar. Este tipo de recoñecementos serven para coller máis moral e seguir traballando para entre todos poder endereitar o rumbo do equipo", concluíu.
Volta cun partido da Copa da Raíña en Alacante
Defende coroa
O cadro burelense defende esta coroa logo de conquistar a pasada tempada todos os títulos en xogos, incluído o da Copa da Raíña, no que superou ao Melilla na final disputada en Málaga.