Un condutor que conducía baixo os efectos do alcol e que triplicaba a taxa permitida saíuse da vía na madrugada deste sábado en Viveiro baixo a ponte de Feve en Verxeles e o seu coche quedou encaixado contra o muro que separa a calzada da beirarrúa.
A Policía Local instrúe as dilixencias por un delito contra a seguridade viaria logo de practicarlle ao condutor, H.W.T.C. residente en Viveiro nacido en 1977, as probas pertinentes, que arroxaron un resultado de 0,77 a primeira e 0,73 a segunda. O accidente ocorreu cara ás dúas e media da madrugada.
