O Concello de Valdés (Asturias) suspendeu os mercadillos de venda ambulante e decidiu pechar os albergues de peregrinos de Almuña e Cadavedo polo rebrote de COVID-19 na Mariña (Lugo).
O alcalde deste concello do occidente asturiano, Óscar Pérez Suárez, publicou un bando onde explica que estas medidas buscan preservar e garantir a seguridade e a saúde dos veciños tras os máis de cen casos detectados nos concellos costeiros galegos que lindan con Asturias, cuxa comarca foi confinada pola Xunta de Galicia.
O rebrote pon en perigo a celebración da sardiñada e a repartición do bollu de San Timoteo
Así, ademais de suspender os mercadillos e os albergues municipais como medida para diminuír riscos, o Concello de Valdés revisará xunto coas autoridades sanitarias e atendendo evolución do rebrote da Mariña, as autorizacións de eventos festivos para o mes de agosto, como a sardiñada ou a repartición do bollu de San Timoteo.
