O incremento dos casos de covid-19 no concello de Trabada supuxo que o mesmo suba ao nivel medio de restricións. A alcaldesa, Mayra García, envía unha mensaxe de tranquilidade, dado que o propio conselleiro de Sanidade indicou que en concellos pequenos dous ou tres casos poden supor un cambio de nivel. "É importante manter a prudencia e respectar todas as medidas de seguridade e hixiene, limitando a interacción social para que a situación non empeore e quede controlada de novo".
As novas restricións serán efectivas este venres 16, debido a unha incidencia acumulada de entre 250 e 500 casos. Isto suporá que a hostalería terá un aforamento do 30% no interior e do 50% en terrazas. Permítese a mobilidade xeográfica.
