lunes. 19.08.2019 |
El tiempo
lunes. 19.08.2019
El tiempo

Foz reordenará a contorna de A Rapadoira e permite o uso de Prado de Ramos

Usuarios no Prado de Ramos, na tarde do mércores. JOSÉ Mª ÁLVEZ
Usuarios no Prado de Ramos, na tarde do mércores. JOSÉ Mª ÁLVEZ

O novo goberno local deixará que a xente sente no lugar, aínda que non autorizará que se realicen as polémicas merendas na zona, entre a praia e a estrada

"Apostamos por un turismo de calidade, pero para todos", asevera o alcalde focense, o socialista Fran Cajoto, en relación co retorno dalgúns usuarios, fundamentalmente bañistas, ao Prado de Ramos, a zona verde situada fronte á praia de A Rapadoira, cara a Llas, e que o anterior goberno popular impediu a súa utilización como zona de esparexemento. Prohibición é unha palabra que non quere usar o mandatario socialista, quen sinala que "a postura do Concello é que a xente poida disfrutar do Prado de Ramos, pero sen acampadas".

O alcalde non especifica se haberá multas para os que se salten as medidas

Tampouco o alcalde especifica se haberá multas para os que se salten as medidas e causen por iso unha imaxe pouco desexable dunha localidade que aposta firme polo turismo como un dos seus eixos estratéxicos. O que si van permitir é a que a xente poida usar a zona verde como zona de descanso puntual e para gozar dunhas impresionantes vistas do areal máis laureado de Foz.

Cajoto adiantou ademais que o novo goberno que preside levará a cabo un plan de ordenación de todo a contorna de A Rapadoira, que incluirá actuacións máis aló da primeira liña de praia para centrarse tamén nas rúas adxacentes ata As Torres e incluso ata Corporacións Muncipais. "Un plan que incluirá a revisión de todas as rúas porque estamos a detectar que hai moitos bolardos que están a ocupar estacionamentos e inclusive as beirrarúas", sinalou o rexedor.

Un mandatario que destaca que "o obxectivo deste plan que estamos a estudar é darlle o pulo que tiña antano esta zona e que ten que seguir a ser un punto estratéxico do noso concello, porque é unha zona de calidade", explica Cajoto, quen o próximo ano quere recuperar a Bibliopraia.

Foz reordenará a contorna de A Rapadoira e permite o uso de Prado...
Comentarios