O alcalde de Foz, Fran Cajoto, e o concelleiro de cultura, Héctor Moris, presentaron este mércores os concursos en liña de debuxo e de relato curto. "Con estes certames pretendemos ofrecer unha actividade lúdica que sexa unha posibilidade máis de entretemento, sobre todo para os máis pequenos, que son os que máis están a sufrir as consecuencias desta situación", aseguraron.
O certame de debuxo está dirixido a nenos e novos do municipio e hai cinco categorías: para alumnado de infantil, do primeiro ciclo de primaria, do segundo ciclo de primaria, de secundaria e de bacharelato. No caso do de relato curto poden participar todas as persoas que estean empadroadas no municipio e hai tres categorías: infantil (ata 12 anos), xuvenil (de 13 a 18 anos) e adultos (maiores de 18 anos).
Os traballos poden enviarse a través do correo electrónico [email protected] ata o vindeiro martes. As obras recibidas nos dous certames publicaranse nas redes sociais do Concello, onde tamén poden consultarse desde este mércores as bases dos dous certames.
Para os dous concursos hai establecidos tres premios por categoría, que consisten en vales de compra de 50, 30 e 20 euros para librerías de Foz. "Sabedores dás dificultades do noso comercio, vos premios serán vales de compra para utilizar nas librerías locais", explican os responsables municipais.
