Un conato de incendio declarado cara ás seis menos dez da tarde deste mércores calcinou uns cen metros de monte raso no monte Padornelo, da parroquia de Lindín (Mondoñedo).
O lume quedou controlado minutos logo das sete e cuarto da tarde tras a intervención de dous axentes, dúas brigadas e catro motobombas, segundo confirman desde a Consellería do Medio Rural.
A orixe do lume estivo nun fallo eléctrico nunha das torres que hai no monte, nunha antena de telefonía. Ao parecer, houbo un curtocircuíto e estendeuse ao monte.
