O comité de empresa de Alcoa en San Cibrao informa da ruptura do proceso de venda da planta de Aluminio e convoca para este mércores unha asemblea de traballadores na que comentar a situación actual e abordar a realización de folga e mobilizacións.
De forma previa á asemblea, que será ao mediodía diante do hórreo da fábrica, os representantes sindicais reuniranse nun pleno extraordinario para avaliar os últimos acontecementos. Prorrogaran ata este luns a paz social coa confianza en que se desbloquease a situación nunha reunión que mantiveron o pasado venres a empresa, os sindicatos, o Goberno e a Xunta.
Tras a celebración dese encontro o comité ve roto o proceso. Alcoa mantén a súa postura de non querer iniciar a venda da fábrica mariñá ata que non estea solucionado o problema enerxético que segundo insiste faia "inviable".