O novo presidente do comité de empresa de Alcoa, José Antonio Zan, avanzou este venres algunhas das liñas que marcarán o seu liderado á fronte dos representantes dos traballadores e que pasan por manter a mesma liña do que se estaba facendo ata o momento. Así, seguirán as mobilizacións tal e como xa se fixeron en Xove, Cervo, Burela ou Viveiro e Zan avanzou que "pronto haberá que sacalas da comarca, posiblemente iremos a Lugo e a Madrid se fai falta".
Xa o vindeiro luns, en canto acábese cos trámites de conformación do novo comité e este se presente á dirección da empresa, comunicarase en que punto da comarca será a próxima mobilización: "Convocarémola con tempo para que sexa un éxito como xa o foron as anteriores".
Zan tamén apelou á unidade de acción dos tres sindicatos representados no comité de empresa para buscar unha solución á situación que atravesa a factoría cervense como consecuencia do elevado prezo da enerxía. O sindicalista subliñou que este é "un problema político e ímolo a solucionar presionando aos políticos". "Dános igual quen forme o Goberno, porque tanto o Executivo como a oposición teñen que implicarse nun pacto estatal pola industria, porque a industria é de todos", subliñou. Neste sentido, tamén recordou o discurso que levan repetindo durante os últimos meses de que para producir aluminio primario de forma rendible na comarca é necesario que unha empresa electrointensiva como Alcoa poida acceder á enerxía ao mesmo prezo que outras industrias en Francia ou en Alemaña.
O presidente dos representantes dos traballadores recoñeceu chegar ao cargo con ilusión, a pesar dos duros momentos que atravesa a factoría e "de que temos por diante anos duros".
O vindeiro luns darase a coñecer o lugar onde se celebrará a próxima protesta "con tempo para que sexa un éxito"
REPRESENTANTES. Zan, de Comisións Obreiras, chegou á presidencia do comité logo de ser a lista máis votada nas eleccións sindicais. Aínda que este sindicato conseguiu o mesmo número de delegados que a CIG, nove, foi a candidatura de Comisións a que conseguiu o maior número de votos, cunha diferenza de 16 por encima do sindicato nacionalista. Finalmente, a CIG optou por non presentar candidatura de modo que foi elixido como novo presidente José Antonio Zan.
O presidente estará acompañado por María Soledad Alonso Campo como secretaria e como tesoureira, por Aberto Pulpeiro Lombardero como vicepresidente e por José Antonio Maseda Vidal (da CIG) como vicesecretario.
Tamén este venres fixéronse públicos os cargos nas comisións do comité de empresa, tanto nas paritarias como no non paritarias. O ata agora presidente do comité, Xosé
