O comité de empresa de Alcoa continúa coas mobilizacións para esixir unha solución que permita manter a produción de aluminio primario na fábrica mariñá, e a continuidade dos postos de traballo, e acaba de convocar unha "gran manifestación" para o vindeiro sábado –día 24 de outubro- en Lugo capital.
A citada manifestación comezará ás 11:00 horas e terminará ao mediodía, cun percorrido polo centro das rúas da cidade que sairá desde o edificio administrativo da Xunta de Galicia e terminará fronte á Subdelegación do Goberno, na Praza de Armanyá.
Ademais, o comité informa de que ao chegar á Subdelegación fará entrega formal da solicitude de intervención pública temporal da fábrica ao Goberno de España.
Alcoa, que se decantou por un Ere para San Cibrao, tras negarse á venda, xa se desfixo o ano pasado das plantas que tiña en Avilés e A Coruña, logo dun longo proceso que arrincou a finais de 2018 cando a multinacional estadounidense anunciou a súa intención de pechar as dúas fábricas, que xustificou polos altos custos da electricidade en España, a necesidade de facer fortes investimentos nas plantas e a difícil conxuntura nos mercados de aluminio.
O fondo suízo Parter Capital fíxose con elas pero non tardou en desprenderse das mesmas, que foron adquiridas polo Grupo Risco xa baixo a denominación de Alu Ibérica.
Este grupo garantiu en principio o mantemento do emprego e anunciou un investimento de 250 millóns en cinco anos nas instalacións, pero as dúbidas sobre que Risco teña un plan industrial provocaron as protestas dos traballadores, que pediron ao Goberno que as interveña.
Caballero efectuou estas declaracións esta mañá durante a súa participación no congreso da Federación de Industria, Construción e Agro (FICA) do sindicato UXT, desde onde recalcou que laspróximas xornadas serán "decisivas" para o futuro da factoría.