O goteo de denuncias polos vídeos de mulleres facendo as súas necesidades nunha rúa de San Cibrao durante a festa da Maruxaina do pasado ano e que foron subidos a páxinas web de contido pornográfico aumentando, agora coa presentación de oito novas denuncias, rexistradas neste caso na comisaría da Policía Nacional de Viveiro.
Unhas dependencias que recolleron as denuncias ao tratarse en todos os casos de mozos residentes no municipio vivariense e que presentaron vídeos ou fotogramas do mesmo nos que se recoñecen como as persoas que aparecen nas imaxes, o que cren que atenta contra a súa dignidade e intimidade.
É a Garda Civil a que abriu unha investigación tras detectar que estas imaxes estaban a circular en páxinas web porno e segue tratando de esclarecer quen as gravou pois parece que se tomasen desde un vehículo. Nos vídeos, que xa foron borrados, identifícase perfectamente a rúa, próxima á praia, e tamén ás mulleres, preto de oitenta, das que a metade xa presentaron denuncia. Tamén hai entidades como acusación particular.
