A Garda Civil comisou un vehículo de alta gama en Burela tras comprobar nun control que podería ser roubado en Alemaña. O coche ten matrícula recente española e fora comprado con procedencia alemá.
Os axentes, ao proceder á identificación e revisar o número de bastidor, descubriron que consta "un señalamiento en vigor por subtracción dimanante en Alemaña", é dicir, aparece na base de datos internacional como subtraído nese país.
O turismo foi posto a disposición do Xulgado de Instrución número 2 de Viveiro para iniciar o proceso e comprobar se o condutor coñecía o historial do vehículo ou foi vítima de quen llo vendeu.
DETIDO NA Pontenova. Por outra banda, a Garda Civil detivo na Pontenova a un veciño desta localidade, de 25 anos, sobre o cal consta unha reclamación xudicial en vigor procedente de Moldavia. O mozo foi posto a disposición xudicial.