O titular da confraría de pescadores de Burela e tamén presidente a nivel nacional, Basilio Otero, asegurou que a campaña de Nadal "foi un pouco mellor" do que se esperaba a pesar da incerteza da pandemia.
Otero constata esa "lixeira melloría", que non só se produciu en canto a capturas senón tamén en canto aos prezos a abonar polo peixe na lonxa. Dous aspectos que preocupaban ao sector e que finalmente foron mellor do que se prevía.
Do peixe, a pescada "non alcanzou os prezos doutros anos" pero si que o volume de negocio disparouse na venda de marisco, pagándose a máis "de 50 euros" a nécora ou a centola.
"En canto aos prezos non podemos queixarnos", manifestou Basilio Otero, que tamén acreditou como algún outro marisco chega a ter prezos superiores aos cen euros.
Das capturas, destacou que "houbo bo tempo" o que favoreceu un maior número de peixe e marisco. "Non houbo mar de fondo", o que axudou á pesca nestes días previos ás festas de Nadal, celebrou.
