Tras ser reelixido este sábado como alcalde de Burela, o socialista Alfredo Llanos garantiu que "continuarán" as negociacións co Bloque coa idea de conformar un goberno "potente" e "de esquerdas".
Consciente de que agora "empeza unha nova etapa" no Concello, mostrouse partidario de acordar "" todas as medidas con outras forzas, unha dinámica que cre "debe rexer en todos" os municipios.
No marco das negociacións cos nacionalistas, o recentemente reelixido alcalde considera que aínda "hai tempo" de alcanzar un acordo, ben bipartito ou ben de pactos puntuais, nos 30 días hábiles que restan desde este sábado ata o pleno organizativo, no que se concretará a composición do goberno e as dedicacións.
E é que, para Llanos, o que hai agora en Burela é "unha oportunidade histórica" de facer políticas "positivas" e "de esquerdas" cun equipo de goberno "potente" e "colaborador".
Alfredo Llano admite que o pleno da súa reelección tivo un ambiente "humilde" no que "non houbo expectación" porque "tiña que terse feito na primeira quincena de xuño". "Agora hai que espabilar", engadiu.
