O titular da Xunta, Alberto Núñez Feijóo, presidiu este luns a entrega dos Premios á Dinamización Demográfica 2019, que recaeron nos municipios de strong <>A Veiga, Parada de Sil e Cervo, quen se repartirán un total de 77.500 euros.
Estes tres municipios desenvolveron iniciativas como viveiros empresariais, de valorización de produtos agrícolas, plans de rehabilitación de vivendas baleiras e en desuso, axudas á natalidade e o transporte, espazos de lecer para nenos e maiores, e tamén para emprendedores, entre outras.
Na cerimonia de entrega destas distincións, celebrada no municipio pontevedrés de Crecente, Feijóo avogou por seguir colaborando na dinamización de zonas rurais para construír unha comunidade autónoma máis vertebrada, na que haxa igualdade de oportunidades con independencia do lugar no que residan as persoas.
Tamén recalcou que a demografía é un dos maiores retos aos que se enfronta non só Galicia, senón Europa, e aludiu ao pacto impulsado en 2018 xunto con Castela e León, Asturias, Aragón, A Rioxa e Castela A Mancha.
