viernes. 28.01.2022 |
El tiempo
viernes. 28.01.2022
El tiempo

Cervo cortou ao tráfico unha estrada provincial ao derrubarse un anaco

Corte de carretera en Cervo por un derrumbe-EP
Corte de carretera en Cervo por un derrumbe. EP

En Ribadeo cortaron o viario que vai ás Catedrais por inundación ► Un camión tirou unha guirnalda da iluminación do Nadal en Burela 

Oarcoiris en temporal-DV GES de Cervo cortou este mércores pola tarde ao tráfico a estrada provincial que enlaza Rio Covo con Viladesuso ao derrubarse un anaco logo da bifurcación que vai cara á última localidade conectando coa Senra e Sargadelos. A vía quedou sinalizada e pechada de modo temporal ao ser un perigo para a seguridade.

Desde o Concello cervense xa advertiran sobre o risco ao abombearse ese lateral, igual que noutro punto. Supoñen que reblandeuse o terreo polas copiosas chuvias das últimas horas.

As chuvias provocaron tamén a interrupción total da circulación na estrada LU-P-5209 que enlaza a estrada N-634 coa praia das Catedrais. O viario anagouse entre os puntos quilométricos 0,400 e 0,700, polo que foi precisa a súa sinalización e corte total a primeira hora da tarde deste mércores.

Ademais un camión tirou a media tarde unha grinalda da iluminación do Nadal na avenida Arcadio Pardiñas de Burela, onde houbo que cortar o tráfico para retirala, segundo indica Protección Civil. Descoñécese se estaba algo descolgada polo vento.

FLOTA AMARRADA. A flota mariñá de artes menores, arrastre e cerco permaneceu onte amarrada a porto debido ao mal tempo na mar. O principio de precaución impúxose entre os pescadores ante as inclemencias meteorolóxicas, sobre todo debido ao mar de vento reinante, dado que nesta ocasión o temporal non xerou mar de fondo.

Isto motivou que unicamente os barcos de maior porte que operan en caladoiros como o Gran Sol atrevéronse a saír e entrar nos portos da costa luguesa.

A alerta laranxa establecida continuará durante a xornada de hoxe e leva aparellada ondada, aínda que a intensidade onte foi menor á prognosticada, con ondas de entre 5 e 7 metros de altura, e prevese que a tendencia sexa cara unha lenta remisión. Con todo, a frota que está amarrada é posible que non poida saír a faenar ata o domingo ou o luns, segundo o cálculo do patrón maior de San Cibrao, Javier Sánchez.

En terra o temporal deixou granizadas durante a mañá en diferentes puntos da comarca, pero non chegou a callar a neve nin nos puntos máis elevados, como o alto da Gañidoira, en Muras, ou A Xesta, en Abadín.

A chuvia deixou así mesmo balsas de auga abundantes na estrada provincial que discorre máis próxima ao litoral entre Cervo e Burela, así como acumulación de auga na zona portuaria burelesa a causa do desborde nas proximidades da depuradora.

Cervo cortou ao tráfico unha estrada provincial ao derrubarse un anaco
comentarios