miércoles. 05.08.2020 |
El tiempo
miércoles. 05.08.2020
El tiempo

A cea de coroación da raíña do Entroido de Foz contará con máis de mil asistentes

Persoas esperando para facerse cunha das entradas. JOSÉ Mª ÁLVEZ
Persoas esperando para facerse cunha das entradas. JOSÉ Mª ÁLVEZ
As entradas esgotáronse en hora e media e volveron rexistrarse colas para facerse cun pase para o acto que será o 8 de febreiro

Máis de mil persoas asistirán o próximo 8 de febreiro á cea de coroación da raíña do Entroido de Foz, Andrea García Mondelo, na sala Bahía. 

"Este acto cada vez vai a máis", explicou o concelleiro de cultura e festas focense, Héctor Morredes, "o ano pasado vos asistentes chegaron a preto de mil e este ano imos superar esta cifra". Como xa vén sendo habitual na retirada de cartóns para poder acudir á cita, que este ano se fixo este martes en horario de tarde na casa da cultura, este martes volveron a rexistrarse colas desde primeira hora da mañá para facerse cun dos pases e algunhas persoas esperaron ata seis horas. 

"Houbo colas, polo abrimos o salón de actos da casa da cultura para que non estiveran na rúa", asegurou Morredes, que confirmou que en hora e media termináronse as entradas "pero non quedou ninguén fóra".

Morredes confirmou que a afluencia de xente obrigará, de novo, a aumentar o espazo dispoñible para poder albergar a todos os comensais: "Estamos estudando como sería necesario organizar o espazo e mirando o plan de seguridade para ver en cantos metros é preciso ampliar a carpa para albergar a todos os asistentes" para garantir a seguridade e o confort dos participantes.

A cea de coroación da raíña do Entroido de Foz contará con máis de...
comentarios