jueves. 21.10.2021 |
El tiempo
jueves. 21.10.2021
El tiempo

As carreiras de cabalos de Viveiro terán 150 participantes este domingo

Presentación del evento. EP
Presentación do evento. EP
A asociación Cabaleiros do Landro destaca a alta asistencia de xinetas de toda Galicia e de Asturias, así como a inclusión dunha proba de pura raza galega. O Concello apoia a competición, que levará a cabo nas pistas de Lavandeiras en Celeiro

As pistas do campo de fútbol de Celeiro serán escenario este domingo das segundas Carreiras de Cabalos Cidade de Viveiro organizadas pola asociación Cabaleiros do Landro. Regresan tras non poder celebrarse o ano pasado pola situación sanitaria e fano con forza, cunha elevada cifra de participantes, uns 150 equinos, nas distintas competicións.

A actividade arrincará ás dez da mañá coa apertura do recinto e da exposición de maquinaria agrícola —tamén haberá un camión de guarnicionería equina— e ás doce empezarán as probas coa de andaina libre serrada para cabalos de máis de 1,50 de altura e despois a de andaina libre chapeada con cabalos tamén de máis de 1,50.

Tras o descanso para comer ás catro e media serán as carreiras de galope cruzados por alturas, e a continuación as probas de andaina libre serrada e andaina libre chapeada con cabalos de menos de 1,50. Unha das novidades será, ás sete, a carreira de cabalos de pura raza galega "para dar importancia á raza autóctona", destaca desde a organización Pedro Pardo. ás sete e media serán as carreiras de pura raza árabe nacional e ás oito a entrega de premios, con dotacións en metálico e medallas.

O secretario de Cabaleiros do Landro subliña que se apuntou "moitísima xente" de distintas localidades de toda Galicia e de Asturias e que ao esperarse "moito tráfico de animais" en torno ao recinto estará cortado o viario que o rodea. 

Outras medidas pola situacíón actual serán a obrigatoriedade de levar máscara tanto os xinetes como o público, a desinfección das mans ao entrar e o aforamento controlado. Ademais, no canto de botiquines haberá unha cantina para recoller bebidas e irse, sen poder permanecer na barra.

A alcaldesa, María Loureiro, e o edil de deportes, César Igrexas, presentaron xunto a Pedro Pardo as carreiras no Concello, que apoia a súa celebración. "Dende ou goberno local apostamos por este tipo de citas, que suman valor a Viveiro e atraen a participantes e público a gozar do noso municipio e de Celeiro en concreto", destacou a rexedora.

As carreiras de cabalos de Viveiro terán 150 participantes este...
comentarios