A carga dun camión derrubou un poste de teléfono ao prender no cableado que cruza a estrada LU-862 ao paso pola localidade de Celeiro, no municipio de Viveiro. Ocorreu cara ás seis da tarde deste luns.
A circulación pola vía foi lenta e con retencións, dado se descolocó a carga e foi necesario que acudise outro camión cun guindastre para recolocala.
Axentes do Seprona da Garda Civil e da Policía Local acudiron ao lugar dos feitos para regular o tránsito viario mentres non podía circular o camión. O vehículo transportaba as bancadas que estiveron colocadas na Praza Maior da cidade do Landro para albergar actividades.
