Novo tremor no Cantábrico, algo máis dun mes despois de que un terremoto de 4.4 espertase media Galicia. Os datos do Instituto Xeográfico Nacional revelan un pequeno sismo de magnitude 2.9 rexistrado ás 1.22 horas da madrugada do martes ao mércores.
É segundo tremor detectado na zona, fronte a Estaca de Bares, nas últimas xornadas. E é que na mañá do luns rexistrouse outro dunha magnitude algo maior, de 3.6. O rozamento das dúas placas atlántica e ibérica desatou forzas nese subsolo do océano onde o 30 de outubro pasado ocorreu o sismo máis forte dos últimos anos, con varias réplicas, sen causar danos.
