Un veciño de Burela logrou porse a salvo tras vir abaixo o tellado da súa vivenda situada na Rúa José María González.
ás 15.30 horas deste luns, un veciño chamaba ao 112 Galicia para informar o derrubamento na zona coñecida como as casas baratas. A mesma persoa apuntaba á posibilidade de que houbese un home no interior da vivenda. Así, desde o 112, pediuse a colaboración dos servizos sanitarios de urxencia, Bombeiros de Barreiros e o GES de Cervo.
Por fortuna, os servizos de urxencias atoparon ao home fóra da casa e en bo estado de saúde. Igualmente, procederon a acoutar a zona co fin reducir o risco de novos desprendementos e garantir a seguridade dos viandantes.
En canto aos danos, estes foron cuantiosos debido á caída do tellado e ás dificultades de habitar no interior.
