O Peixes Rubén Burela FS terá que lidar co equipo que ninguén quería nos cuartos de final da Copa do Rei e ademais terá que facelo como visitante.
O conxunto burelense terá que gañarse o pase á fase final da competición no Palau Blaugrana ante o todopoderoso FC Barcelona, o ‘coco' que quedaba no torneo logo das caídas do Inter Movistar e O Pozo Murcia nos oitavos de final.
O duelo terá lugar entre o 11 e o 12 de febreiro, nun horario aínda por determinar.
O resto das eliminatorias que compoñen os cuartos de final son: Talavera-Industrias Santa Coloma, Betis Futsal-Peñíscola, e Jaén Paraiso Interior-Jimbee Cartagena.
IAGO MÍGUEZ. O xogador do Burela Iago Míguez, que actualmente está lesionado, participou de forma especial no sorteo, sendo un dos encargados de sacar as bólas dos emparellamentos. Aínda que non foi el quen deparou a 'sorte' do seu equipo.
