O cambio da empresa encargada da recollida do lixo en Burela significou tamén a incorporación dalgunhas novidades no servizo. Entre as máis rechamantes, figura a posta en marcha dun punto limpo móbil, onde os veciños contan con espazo para depositar ata oito residuos diferentes, todo iso cun cumprimento estrito das medidas covid, xa que a apertura do colector faise a través dun pedal que se acciona co pé.
Unha instalación apta para depositar aceite; aparellos eléctricos e fluorescentes; radiografias, CD e DVD, pilas, teléfonos móbiles, aesoroles, pinturas, fitosanitarios e herbicidas, medicamentos e roupa.
Todo iso de forma cómoda pois se instala sempre nos mesmos puntos; así, o primeiro martes de mes está en Vilar e, sucesivamente, o resto das semanas en Barridal, Casillas, Cantiño e Praza do Concello, un espazo onde se pon tamén o terceiro e cuarto venres, mentres que o previo está en
"O certo é que na Praza do Concello está a funcionar bastante ben, porque é un sitio moi céntrico e a xente acostumouse a veo e a usalo", conta a edil de medio ambiente, Toñi Eijo, quen recoñece que ese bo resultado aínda non se alcanzou no resto do concello.
Por iso, Eijo anuncia que levarán a cabo campañas de información en cada unha das zonas onde se instala "para mostrar á xente como funciona e que poden depositar nel".
Unha actividade que tamén se incentivará en redes, co fin de fomentar a reciclaxe entre os burelenses. A última das propostas consistiu no repartición de imáns para a neveira, co fin de ter localizado o teléfono do punto limpo, ao que hai que chamar para ter día e hora en que depositar os voluminosos na vía pública.
Outra das propostas que levará a cabo desde a delegación de Eijo é o pintado dos sumidoiros, onde se gravará a lenda 'O mar comeza aquí'. Unha iniciativa, en colaboración coa asociación A Mariña sen Plástico, "coa que queremos concienciar a poboación sobre a importancia de depositar ou lixo nas papeleiras e contedores, pois todos aqueles residuos abandonados na rúa viaxan polos sumidoiros ata chegar ao mar, xerando un grave problema ambiental nos nosos océanos".
Unha proposta que xorde da "preocupación" da entidade comarcal, "polos