Os Bombeiros de Barreiros tiveron que liberar este martes a unha persoa que quedara atrapada no seu vehículo tras sufrir un accidente de tráfico neste municipio mariñán.
Segundo a información do CIAE 112 Galicia, o suceso tivo lugar sobre as 14.15 horas na estrada que une Barreiros coa Praia de Altar.
Ata a zona, ademais dos Bombeiros, desprazáronse efectivos da Garda Civil de Tráfico e persoal sanitario do 061, que trasladou ao ferido en ambulancia ao Hospital da Mariña.
