Os bombeiros apagaron o lume nunha cheminea en Landrove

Os bombeiros de Viveiro sufocaron o lume iniciado nunha vivenda da parroquia de Landrove causado posiblemente pola mala combustión dunha cheminea cuxo conduto foi o que resultou afectado, aínda que o fume estendeuse polo tellado, o que fixo prever un desenlace peor.

Afortunadamente non foi así en algo máis dunha hora os bombeiros terminaron de arrefriar a zona do incendio, que trataron de sufocar en primeira instancia os residentes do inmoble cando se deron conta do sucedido, ao redor das dúas e media da tarde.

Os veciños non resultaron afectados nin tampouco o interior do inmoble, que só presenta danos na cuberta.

Ata a zona desprazáronse tamén efectivos da Policía Local, Policía Nacional e Protección Civil de Viveiro.