Un bebé encerrado nun piso da rúa Virxe do Carme de Burela provocou a mobilización de Protección Civil, Policía Local e a alerta aos Bombeiros de Barreiros, que non chegaron a intervir na apertura da porta da vivenda porque, finalmente, os pais lograron desatascar a fechadura. Ao principio foilles imposible acceder coas chaves e decidiron pedir axuda.
Ocorreu sobre as 15.30 horas da tarde deste mércores e o neno de 18 meses atópase perfectamente.